Евро-2024 ғолиби Испания ва Америка Кубоги-2024 соҳиби Аргентина терма жамоалари ўртасидаги "Финалиссима" баҳси 2026 йил март ойида бўлиб ўтиши тасдиқланди. Бу ҳақда машҳур журналист Гастон Эдул ижтимоий тармоқ X (илгари Twitter) орқали хабар берди.

Манбага кўра, ушбу ўйин 17–25 март орасида ўтказилиши режалаштирилган. Аниқ сана кейинроқ маълум қилинади. Ҳозирча баҳснинг қаерда бўлиб ўтиши маълум эмас.

Эслатиб ўтамиз, илк Финалиссима 2022 йилда ўтказилган бўлиб, унда Аргентина Италияни 3:0 ҳисобида мағлуб этган эди ва биринчи чемпион сифатида тарихга кирганди.

"Финалиссима-2026": Испания ва Аргентина ўртасидаги супероқшом март ойида бўлиб ўтади