"Фиорентина" — "Наполи"

Бир қатор футболчилар жароҳатдан сўнг қайтишмоқда, хусусан Бираги, Додо, Иконе ва Белотти асосий таркибда майдонга тушиши мумкин, Соттил эса ҳалигача тикланмоқда. Хвичанинг сафга қайтиши Кальцона учун яхши хабардир, бу ҳужумдаги ўйинни ўзгартириши керак, Зелински эса жароҳат сабаб ўйнамайди. Шунингдек Распадори ва Осимхен баҳсни ўтказиб юбориши мумкин, бу эса ҳужум марказида Симеоне ўйнаши мумкин дегани.

"Фиорентина" илк даврада 3-1 ҳисобида ғалаба қозонган. Қизиқарлиси, жамоа бу ўйинда ҳам фаворит ҳисобланмоқда. Умуман олганда, Конференциялар лигасидаги ўрин учун даъвогарлар учрашишмоқда, гарчи "Наполи" бу мусобақани жуда ҳам хоҳлаётганига катта шубҳа бўлса ҳам. Шунга қарамай, жамоа учун муҳими мавсумни яхши якунлаш ва мағлубиятсиз серияга якун ясаш, шундай экан ўйин шиддатли кечиши керак.

"Торино" — "Милан"

Схюрс, Жижи, Гинейтис ва Влашич ҳалигача жароҳатидан тикланмоқда, Санабрия эса жароҳатдан қутулиб қолди ва Сапата билан биргаликда ҳужумда ўйнашга тайёрланмоқда. Войвода яна мажбуран учталик ҳимоячилар схемасида ўйнашга мажбур. Жароҳатидан тикланаётган Чуквезе ва Лофтус-Чик ўйнамаслиги аниқ, шунингдек Габбиа ҳам. Меньян ва Кьер сафга қайтди, аммо уларнинг илк дақиқалардан ўйнаш эҳтимоли паст. Ҳужумда одатий Леау-Жиру-Пулишич учлгии кутилмоқда.

"Милан" ўтган ўйинда рақибни 4-1 ҳисобида таслим этди. "Қизил-қоралар" ҳозир ҳам фаворит ҳисобланишади, аммо жамоада ҳеч қандай мотивация йўқлиги ва катта эҳтимол билан Миландаги мавсумнинг сўнгги ўйинига эътибор қаратишини таъкидлаш керак. "Торино" учун ўз уйидаги сўнгги ўйинни яхши ўтказиш муҳим, шундай экан меҳмонларга осон бўлмайди.

"Сассуоло" — "Кальяри"

Берарди, Дефрел ва Кастильехо ҳалигача жамоага ёрдам бера олмайди, шундай экан Балардини ҳужумда Льоренте ва Пинамонтига ишонч билдиради, Торсдвейт эса уларга ортдан ёрдам беради. Аужелло ва Гаэтанонинг дисквалификациядан қайтиши "Кальяри"ни жиддий тарзда кучайтиради, шунингдек Макумбу тикланишга улгуриши мумкин. Раньери ҳужумда катта эҳтимол билан одатий Шомуродов-Лувомбо жуфтлигини ўйнатади.

"Кальяри" ўтган ўйинда 2-1 ҳисобида ғалаба қозонган. Ҳозирда "Сассуоло" фаворит ҳисобланади. Шуни тушуниш керакки, бу "нероверди" учун ҳақиқатдан ҳам сўнгги имконият ва мағлубият қуйи лигага тушириб юбориши мумкин. Бундай ҳолатда жамоа ўзига келиши керак, аммо "Кальяри" ҳам барча вазифаларини бажариб улгурмади, шундай ўйин анча асабий ва шиддатли бўлишга ваъда бермоқда. Голлар шоусини кутиш қийин, драма ва курашни эса кутса бўлади.

"Интер" — "Лацио"

Симоне Инзаги катта эҳтимол билан уйдаги сўнгги ўйинда асосий таркибни туширади, захирадагилар эса якуний турда ҳаракат қилишади. Шу билан бирга, барча футболчилар соғ-саломат, Ачерби эса жароҳатидан тикланди ва асосий таркибда майдонга чиқишга тайёр. Романьолининг дисквалификацияси сабаб ҳимоячилар учлигида катта эҳтимол билан Гил ўйнайди. Луис Альберто тикланди, аммо асосий таркибда майдонга тушиш эҳтимоли паст. Тудор жамоасининг ҳужумида эса одатий Андерсон-Иммобиле-Цаканья учлиги кўрамиз.

"Интер" илк даврада меҳмонда 2-0 ҳисобида ғалаба қозонган, жамоа ҳозир ҳам ўз уйида фаворит. Албатта, амалдаги чемпион мавсумни ўз мухлислари олдида муваффақиятли якунлашни хоҳлайди, аммо "Лацио" мотивацияга тўла ва ажойиб ҳолатда, шундай экан "нерадзурри"га осон бўлмайди. "Бургутлар" байрамни бузишга ва еврокубоклар ҳудудида ўрнашишга қаттиқ ҳаракат қилишади.

"Рома" — "Женоа"

Дибала ва Спиннацола тикланишга улгурмади, шундай экан ҳужумда яна Лукаку ва Эл Шаарави билан ўйнайдиган Бальданцани кўрамиз. Жилардиньо учун яхши хабар Витиньянинг сафга қайтиши, Баделнинг жароҳати жиддий бўлмагани бўлди, шундай экан у Торсби ва Френдруп билан марказда пайдо бўлади, Гудмондсон эса олдинда Реттеги билан ҳаракат қилади.

"Женоа" илк даврада "Рома"ни 4-1 ҳисобида таслим этди. Албатта, "жалоросси" буни унутмаган ва реванш олишга қаттиқ ҳаракат қилади. Бундан ташқари, Де Росси шогирдларига ғалаба жуда ҳам керак. Жамоа ҳалигача Чемпионлар лигасидаги ўрин учун курашмоқда, аммо имкониятлар катта эмас. "Женоа" эса хотиржам ва ўзининг доимий юқори даражасини кўрсатиши керак.

Сергей Румянцев тайёрлади

Финишга яқин: А Серия 37-тур превьюси. Шомуродов гол урадими?