• “Фишт” стадионида ЖЧ-2018нинг 6та ўйини бўлиб ўтади
• Арена 2014 йилда бўлиб ўтган қишки Олимпиада муносабати билан барпо этилган.
• Ушбу стадион Фишт тоғи номига атаб қўйилган

Ўйинлар
Айнан шу стадионда ЖЧ-2018 гуруҳ босқичининг энг кутилган ўйинларидан бири — Португалия ва Испания ўртасидаги учрашув бўлиб ўтади. Бундан ташқари, гуруҳ босқичининг яна 3та ўйини, 1/8 финал ва чорак финал учрашувлари бўлиб ўтади.

Имкониятлари
Чемпионат вақтида “Фишт” стадионига 48 000 томошабин ташриф буюриши мумкин бўлади.

Жойлашган ўрни
Стадион Қора денгиз қирғоғи бўйида, 2014 йилги қишки Олимпиада ўйинлари ўтказилиши учун махсус қурилган. Атрофида ўша мусобақа учун қурилган иншоотлар ва “Формула-1” трассаси мавжуд.

Биласизми?
Стадион айтиб ўтганимиздек, асосий Кавказ тизмасида жойлашган тоғ номига қўйилган. Адигей тилидан таржима қилинганда “фишт” сўзи “оқ бош” деган маънони англатади. Арена британиялик архитекторлар томонидан лойиҳалаштирилган.

Дастлабки ўйинлар
“Фишт” стадионидаги илк ўйин 2017 йил бўлиб ўтган. 28 март куни ушбу аренада Россия ва Белгия терма жамоалари ўртасидаги ўртоқлик учрашуви, 2 майда эса “Урал” ва “Локоматив” жамоалари ўртасидаги Россия Кубоги баҳси бўлиб ўтди. Ёзда эса ФИФА Конфедерация Кубоги ўтказилганди.

Мерос
Жаҳон Чемпионатидан кейин Россия терма жамоаси Сочида расмий ўйинларининг бир қисми ва ўртоқлик ўйинларини ўтказиши режалаштирилмоқда. Бундан ташқари, аренада бошқа оммавий тадбирлар ўтказилиши ҳам режалаштирилмоқда.

Нозима Зарипова таржима қилди

“Фишт” стадиони ҳақида нималарни билишимиз керак?