Ўйинда "Насаф" 1:0 ҳисобида ғалаба қозониб, Кубокнинг ярим финалига йўл олди. Биласиз, охирги пайтларда қаршиликлар бош мураббийи атрофида кўп гап-сўзлар бўлди. Рўзиқул Бердиев дисквалификация сабаб кечаги баҳсни техник ҳудудда кузата олмади.

Кечаги ўйиндан олдин ва учрашув давомида кўпчилик мухлислар жўр бўлиб Бердиевни қўллаб-қувватловчи сўзлар айтишди. Бундан ишқибозлар мураббийни қанчалик ҳурмат қилишини тезда тушуниб олса бўлади.

Ҳатто мухлислардан бири Рўзиқул Бердиевни афсонавий мураббий Сэр Алекс Фергюсонга қиёслаб баннер кўтарди. Баннерда Бериев ва Фергюсон сурати ёнма-ён қўйилган бўлиб, ҳар иккала иккала мутахассисга "Сэр" эътирофи берилган. Қолаверса, Бердиевга нисбатан "Ягона, тенгсиз мураббий" дейилган.

Яхши биласиз, шотландиялик мураббий Алекс Фергюсон "Манчестер Юнайтед"даги фаолияти орқали "Сэр" унвонига сазовор бўлган. Бизда бундай унвон йўқ, аммо ҳукумат раҳбари томонидан бериладиган "Ўзбекистонда хизмат кўрсатган мураббий" унвонини Рўзиқул Бердиев қабул қилиб олган.

Маълумот учун, Сэр Алекс Фергюсон 1986-2013 йиллар оралиғида МЮни бошқариб, 13 бор чемпионликни нишонлаган. Шунингдек, 5 марта Англия Кубоги, 10 марта Англия Суперкубоги, 2 бор Европа чемпионлар Лигаси, бир мартадан УЕФА Суперкубоги, Клублар ўртасидаги жаҳон чемпиони ва бошқа турли совринларни қўлга киритган.

Рўзиқул Бердиев эса "Насаф"даги 10 йиллик фаолияти мобайнида 4 бор Ўзбекистон чемпионати бронза медалларга сазовор чиққан, бундан ташқари, 2 бор кумуш медаль, 2 бор Ўзбекистон Кубоги ва 1 марта Суперкубокни қўлга киритган. Рўзиқул Бердиев 5 марта Ўзбекистоннинг "Энг яхши мураббийи" деб топилган.

Бердиев ҳисобида фақат чемпионлик медали йўқ, холос. Лекин "Насаф" бу мавсум чемпион бўлишга жуда яқин турибди.

Фотофакт. Қаршилик мухлис Рўзиқул Бердиевни афсонавий мураббийга ўхшатди