Шота Арвеладзе бошчилик қилган машғулот юқори темпда ўтди. Ласло Ямбор дастлаб одатдагидек футболчиларни чигал ёзди машқлари билан "қизитиб" олди. Сўнгра Шота Арвеладзе футболчилар билан ишлади.

Машғулотда жамоанинг янги футболчиларидан фақатгина иккита легионер футболчи: Марко Симич ҳамда Тиаго Безарре иштирок этди. Шерзод Аъзамов, Элдорбек Суюнов ҳамда Гиди Канюк 11 июль куни Тошкентга етиб келишлари кўзда тутилган.

Машғулотлар кўтаринки руҳда, юқори темпда ўтди. Аввалига футболчилар тўпни комбинацион ўйин орқали дарвозага тепишни машқ қилишди. Кейинчалик эса футболчилар "қизиллар" ва "сариқлар"га бўлинган ҳолда тўпни қайси жамоа кўпроқ бир-бирига узатиш ўйнашди. Белгиланган сония давомида бир жамоа футболчилари тўпни майдонни иккинчи тарафига олиб ўтишлари лозим бўлди. Бу машғулот бешта қисмга бўлинган ҳолда тахминан 30 дақиқа давом этди.

Шундан кейин эса футболчилар иккига бўлиниб футбол ўйнашди. Шота Арвеладзе машғулотнинг сўнгги қисмида позицион ҳужумга ўтиш устида ишлади.

Машғулотларга жароҳати боис Станислав Андреев, Жамшид Болтабоев ҳамда Жавоҳир Соҳибов иштирок этишмади. Жамшид Болтабоев тез орада сафга қайтиши кутилмоқда. Жавоҳир Соҳибов ва Станислав Андреевнинг қачон майдонга қайтиши ҳозирча номаълум.

Жамшид Искандеров эса чигалёзди машқларидан кейин якка тартибда шуғулланди. Искандеров билан Ласло Ямбор индивидуаль тарзда ишлади.

Кечаги машғулотда "Пахтакор" дарвозабонлари умумий гуруҳда шуғулланишди. Яъни, дарвозабонлар мураббийи туркиялик Иброҳим Йилмаз ҳеч бир кипер билан якка тартибда шуғулланмади. Жамоа иккига бўлиниб ўйнаган пайти ўз шогирдларига дарвоза ортидан кўрсатмалар бериб турди.

Фотогалереяни тўлиқ қисмини қуйидаги ҳаволига ўтиб томоша қилишингиз мумкин.

Фотогалерея. "Пахтакор"нинг навбатдаги машғулоти ОАВ учун очиқ бўлди