Кечаги учрашувлардан бирида "Локомотив" ўз майдонида "Қизилқум"ни қабул қилди ва 5:0 ҳисобидаги йирик ғалабани қўлга киритди. Қуйида ана шу учрашувдан фотомақолани эътиборингизга ҳавола этамиз.

"Локомотив" тўпурари Марат Бикмаевнинг оила аъзолари уй ўйинларида доимий тавишда уни стадиондан қўллаб-қувватлашади. Юқоридаги суратда Бикмаевнинг ўғли ва қизи.

Бир кун олдин "Пахтакор" стадионида "шерлар"ни 3:0 ҳисобида мағлуб этиб, тарихий натижа қайд этган "Насаф" мураббийлари ва футболчилари ҳам кечаги баҳсни стадионда кузатиб боришди.

Ва албатта, миллий терма жамоамиз бош мураббийи Самвел Бабаян ҳам кеча "Локомотив" стадионида эди.

Марат Бикмаев майдонга чиқиб келишда Сардор Мирзаев ва Жасур Ҳасановларга бугунги ўйинни жаҳон футболи "юлдузи" кузатишини айтган пайт )

- Гоооллл! Қани ўйинни кузатаётган анави "юлдуз", мени голимни кўрдими?

"Суюнчи" фильмидаги Турсунбой рақибларни иштонидан тортса, Шукурали Пўлатов футболкасидан тортаркан )

Локо футболчилари Азизбек Усмоновдан жуда кўп бор ўтиб кетишди.

- Марат ака, мен бош билан гол урдим, бунақаси кам бўлади. Қани анови "юлдуз"? Мени голим сизникидан чиройлироқ чиқди. )

Жалолдиньо санъат асари яратишидан бир лаҳза олдин.

- Мара, Диёр, ким чиройли гол уриши борасида баҳс кетаётганмиди? Тўғри, сизлар чиройли голлар киритдингиз. Меники чиройли эмас, шедевр. ;)

Мана ўша "юлдуз". Месси кечаги учрашувни бевосита "Локомотив" стадионидан кузатиб борди.

Беллашувни кузатиб бораётган "юлдуз" ким эканлигини кўрган Машарипов.

Бу эса "Жек Читтак".

Кеча бўлиб ўтган "Локомотив" - "Қизилқум" (5:0) учрашувидан тўлиқ фотогалереяни сайтимизнинг махсус бўлими орқали томоша қилишингиз мумкин >>>>> ФОТО

Толибжон Қосимов

ФОТОМАҚОЛА. Месси ва "Жек Читтак" "Локомотив"да