Ва ниҳоят, энг кучли ўнталикка ҳам етиб келдик. Сайт версиясига кўра қуйидагилар Осиёнинг ҳозирги кундаги энг кучли футболчилари ҳисобланади. Демак, Топ-10 билан танишамиз.

№10. Ризо Гучаннажод (Эрон)
Клуби: "Херенвен" (Голландия)
Амплуаси: Ҳужумчи
Ёши: 30
Футболчига таъриф: Голландия чемпионатида тўп сураётган эронлик ҳужумчи Ризо Гучаннажод анча кучли футболчилардан бири ҳисобланади. У терма жамоада ҳам ишончли ўйинлари билан ном қозонган. У 2016/17 йилги мавсумда 20та голи билан ёдда қолди.

№9. Сардор Азмун (Эрон)
Клуби: "Рубин" (Россия)
Амплуаси: Ҳужумчи
Ёши: 23
Футболчига таъриф: Сардор Азмун ёш бўлишига қарамай, Осиё юлдузларидан бири. У Россияда, Осиёда, Осиё Кубогида, ЖЧ саралаш босқичи ҳамда Европа чемпионлар лигасида гол урган. Унга ҳатто "Ливерпул"дан қизиқиш бўлганди.

№8. Омар Хрбин (Сурия)
Клуби: "Ал Ҳилол" (С.Арабистони)
Амплуаси: Ҳужумчи
Ёши: 24
Футболчига таъриф: Омар Хрбин учун айниқса ўтган йил сермаҳсул келди. У ҳам терма жамоа, ҳам клуб миқёсида кўплаб голлар урди. Уни "Ал Ҳилол" 11,5 миллион доллар эвазига қўлга киритган. Хрбин 2017 йил Осиёнинг энг яхши футболчиси деб топилди.

№7. Мэтью Леки (Австралия)
Клуби: "Герта" (Германия)
Амплуаси: Ҳужумчи
Ёши: 27
Футболчига таъриф: "Ингольштадт" сафида уч мавсумни ўтказган футболчи ҳозирда фаолиятини "Герта"да давом эттирмоқда. У янги жамоасида яхши ҳаракат қиляпти. Леки "Герта"да дастлабки ўйинидаёқ гол уришга муваффақ бўлди ва берлинликлар "Штутгарт" устидан 2:0 ҳисобида зафар қучишди.

№6. Умар Абдулраҳмон (БАА)
Клуби: "Ал Айн" (БАА)
Амплуаси: Ярим ҳимоячи
Ёши: 26
Футболчига таъриф: Абдулраҳмон ўтган йил Осиёнинг энг кучли 50 футболчиси рўйхатида биринчи ўринни олганди. Аммо бу сафар 6-ўрин насиб этди. Унинг ўйинида озгина пасайиш юзага келгандек, лекин ОЧЛ баҳсларида кўряпмизки, у ҳамон бир текис ўйин намойиш этмоқда.

№5. Мэтт Райан (Австралия)
Клуби: "Брайтон" (Англия)
Амплуаси: Дарвозабон
Ёши: 26
Футболчига таъриф: Австралиялик дарвозабон Европага йўл олгач, аввалига Бельгияда фаолият олиб борди, кейин эса Испанияга кўчиб ўтди. Аммо "Валенсия"да унинг ишлари юришмади. Натижада яна Бельгияга қайтишга тўғри келди. Орадан кўп ўтмай Англиядан таклиф тушди ва у "Брайтон" билан шартнома имзолади. Тим Крул билан ўзаро рақобатда эса енгиб чиқди.

№4. Шинжи Кагава (Япония)
Клуби: "Боруссия Д" (Германия)
Амплуаси: Ярим ҳимоячи
Ёши: 29
Футболчига таъриф: МЮда ишлари юришмаган Кагава яна қадрдон клубига қайтди. У япониялик футболчилар орасида Бундеслигада энг кўп гол урган. Кагава клуб билан мавсумни юқори нотада якунлаб олгач, бор эътиборини жаҳон чемпионатига қаратмоқчи.

№3. Алиризо Жаҳонбахш (Эрон)
Клуби: "АЗ Алкмаар" (Голландия)
Амплуаси: Ҳужумчи
Ёши: 24
Футболчига таъриф: Европада муваффақиятли фаолият олиб бораётган эронлик футболчилардан бири. 24 ёшли тўпурар Голландия клуби сафида бирин-кетин голлар уришда давом этмоқда. У ҳам жаҳон чемпионатида ўйнайдиган футболчилардан бири.

№2. Аарон Муй (Австралия)
Клуби: "Хаддерсфилд" (Англия)
Амплуаси: Ярим ҳимоячи
Ёши: 27
Футболчига таъриф: У Австралия чемпионатида ўйнаб юрган кезлари Европага чиқишни хоҳлашини айтиб ўтганди. Ўшанда футболчи "Мельбурн Сити"да ўйнарди. Кўп ўтмай Аарон Муй "Манчестер Сити" билан шартнома тузди ва кейинчалик ижара асосида "Хаддерсфилд"га ўтиб кетди.

№1. Сон Хёнг Мин (Ж.Корея)
Клуби: "Тоттенхэм" (Англия)
Амплуаси: Ҳужумчи
Ёши: 25
Футболчига таъриф: Биринчи ўринда ким бўлиши мумкин? Албатта, Харри Кейн, Деле Алли, Кристиан Эриксен каби юлдузлар билан елкама-елка тўп сураётган кореялик фуболчи. Сон - жуда кучли ўйинчи, унда тўсатдан "портлаш" хусусияти юқори. Унинг жаҳон чемпионатида кореяликларга сардорлик қилиши кутилмоқда.

Х.Холиқов тайёрлади.

Fourfourtwo.com Осиёнинг энг кучли 50 футболчисини эълон қилди (50-41 ўринлар)

Fourfourtwo.com Осиёнинг энг кучли 50 футболчисини эълон қилди (40-31 ўринлар)

Fourfourtwo.com Осиёнинг энг кучли 50 футболчисини эълон қилди (30-21 ўринлар)

Fourfourtwo.com Осиёнинг энг кучли 50 футболчисини эълон қилди (20-11 ўринлар)

Fourfourtwo.com Осиёнинг энг кучли 50 футболчисини эълон қилди (ТОП-10)