"Гонконгга қарши ўйин жуда қийин бўлди. Иккинчи бўлимда гол урдик, аммо консентрацияни йўқотиб қўйдик ва гол ўтказиб юбордик. Кайфиятимиз аъло даражада, финалгача етиб боришга умид қиламиз", - деб гап бошлади Мусаев.

"Гонконг ҳимоясини ёриб ўтишда қийналдик, уларнинг миллий терма жамоасига қарши ўйинда ҳам қийин бўлганди. Тошкентда 0:0 ўйнагандик, сафарда эса 80-дақиқада илк голимизни ургандик. Рақиб футболчиси бунчалик ҳаракат қилиб тўп киритишини кутмагандик. Уларнинг дастлабки ва охирги аниқ зарбаси голга айлангани аламли".

"Бангладешга қарши ўйин ҳам худди Гонконгга қарши баҳсга ўхшайди деб ўйлайман. Менимча улар ҳам бизга қарши ёпиқ, ҳимоявий ўйнашади. Ҳаракат қиламиз уларнинг ҳимоясини ёриб ўтишга".

"Мухлислардан бизга ишонишларини сўраб қоламан. Шунчаки рақиб жуда ёпиқ ўйин намойиш этгани учун ғалаба қозона олмадик. Европанинг кучли клублари ҳам ҳимоявий ўйин қаршисида қийналиб қолишади. Бизга ишонишда давом этишсин, уларнинг ишончини оқлашга уринамиз", - дейди Фозил Мусаев.

Нодирхўжа Юлдашев
Инчеон

Фозил Мусаев: "Ёпиқ футбол қаршисида Европанинг кучли клублари ҳам қийналишади"