Тақдирлаш маросими душанба куни Париждаги Шатле театрида бўлиб ўтди. Дембеле совринни 2005 йилги "Олтин тўп" соҳиби бразилиялик Роналдиньодан қабул қилиб олди.

Дембелегача бу совринни францияликлардан Мишель Платини (уч марта), Раймон Копа, Жан‑Пьер Папен, Зинедин Зидан ва Карим Бензема қўлга киритган. Олтита лареат – барча мамлакатлар орасида рекорд. Ғарбий Германия/Германия ва Италияда беш нафардан, Англия ва Бразилия эса тўрт нафардан ғолиб мавжуд.

Франция энди мукофотларнинг умумий сони бўйича (8 та) Аргентина билан биринчи ўринни бўлишиб турибди, Лионель Месси 2009 йилдан 2023 йилгача саккизта "Олтин тўп"ни қўлга киритган.

1995 йилгача "Олтин тўп" фақат европалик футболчиларга топширилар эди. Шундай қилиб, Пеле, Диего Марадона ва XX асрнинг бошқа жанубий америкалик юлдузлари ҳеч қачон ғалаба қозонмаган. Европалик бўлмаган биринчи ғолиб 1995 йилда либериялик Жорж Веа, 1997 йилда эса биринчи жанубий америкалик бразилиялик Роналдо бўлган.

Франция Дембеленинг ғалабасидан сўнг "Олтин тўп" соҳиблари сони бўйича биринчи ўринга чиқиб олди