"Монако" дастлабки турни ўз майдонида ўтказди. Жардим шогирдлари ушбу "Лион"га қарши ўйинда 0:3 ҳисобида мағлубият учради ва мавсум старти улар учун омадли бошланмади. Учрашувнинг 5-дақиқасида Дембеле ҳисобни очган бўлса, 30-дақиқада "Монако" ярим ҳимяоячиси Сеск Фабрегас қизил карточка олди ва майдонни эрта тарк этди. 10 киши бўлиб қолган майдон эгалари 36-дақиқада Депай ва ўйин сўнгига 10 дақиқа қолганида Тусар томонидан киритилган голлар эвазига имкониятни бой беришди.

Виллаш-Боаш бошчилигидаги "Марсель" клуби кутилмаганда биринчи турни "Реймс"га қарши мағлубият билан ўтказди. Олимпик клуби 58 ва 90-дақиқаларда Диа ва Юн киритган голлар ҳисобига ўз мухлислари қаршисида уялиб қолишди.

"Лилль" клубини бир қанча иқтидор эгалари тарк этган бўлса ҳам кучсизланиб қолгани йўқ. Пепе "Арсенал" клубига ўтиб кетганидан сўнг, нигериялик 20 ёшли ҳужумчи Виктор

Осимхен биринчи турда ўзини кўрсатди ва дубль қайд этиб жамоасига керакли ва муҳим 3 очкони тақдим этди.

ПСЖ ҳар доимгидек Франция чемпионатини жуда хотиржам бошлайди ва ўз пешқадамлигини мавсум давомида сақлаб қолади. Парижликлар "Ним" клубига қарши кечган ўйинда 3:0 ҳисобида ғалаба қозонишди. Ўйинда голларни Кавани, Мбаппе ва Ди Мариялар киритишди.

1-турда қайд этилган натижалар билан танишинг.
Монако 0:3 Лион
Марсель 0:2 Реймс
Ницца 2:1 Амьен
Анже 3:1 Бордо
Монпелье 0:1 Ренн
Дижон 1:2 Сент-Этьенн
Брест 1:1 Тулуза
Лилль 2:1 Нант
Страсбур 1:1 Метц
ПСЖ 3:0 Ним

2-турда "Лион" "Анже"ни қабул қилади, "Монако" сафарда "Метц" билан ўйнайди, ПСЖ эса "Ренн" клубини имтиҳон қилади. 2-тур баҳслари 16-18 август кунлари бўлиб ўтади.

Франция. "Монако"нинг омадсиз старти, ПСЖ ва "Лион"нинг ишончли ўйинлари ҳақидаги 1-тур шарҳи