Англия Премьер-лигаси клуби томонидан "Милан" ҳужумчисининг клубдаги ҳолати ўрганиб бориляпти. Агар франциялик футболчи А Серия вакили билан янги шартнома борасида келиша олмаса, "Фулхэм" ишга киришади.

Жорий мавсумда Жиру "Сан Сиро" эгаларининг ажралмас қисми бўлиб, жами 11 та гол уришга эришди. 36 ёшли футболчи билан тузилган амалдаги шартнома мавсум охирида ўз ниҳоясига етади. Форвард келаси мавсумда Лондонга қайтишни истаётгани айтилмоқда.

Шунингдек, жаҳон чемпионига инглиз клублари – "Вест Хэм", "Кристал Пэлас" ва "Брентфорд" жамоаларидан қизиқиш бўлмоқда.

"Фулхэм" Оливье Жирунинг ҳолатини кузатмоқда