Бунда ғолиблик учун 12 та футзал жамоаси кураш олиб боради. Мазкур мусобақа Регламенти муҳокамага қўйилган бўлиб, у билан ушбу ҳавола ёрдамида танишиб олишингиз мумкин.
Жорий мавсумдан бошлаб тарихда илк бор футзал жамоалари бадал пулларидан тўла озод этилган. Шунингдек, ҳакамлар билан боғлиқ сарф-ҳаражатлар ҳам клублар эмас, балки ЎзПФЛ томонидан қоплаб борилади.
Мавсум учун ADIDAS CONEXT 21 PRO SAL тўплари харид қилинди. Бунда ФИФА томонидан Литва мезбонлик қилаётган жаҳон чемпионати учун ҳам айнан шу тўп танлаб олингани муҳим омил бўлиб хизмат қилди. Мамлакатимизнинг энг кучли футзалчилари мундиал давомида шу тўплар билан залга чиқаётган бўлса, кейинроқ ички чемпионатда ҳам айнан шу тўплар орқали мусобақаларда иштирок этишади.
Мавсум тақвими яна бир неча кунлардан кейин тақдим этилади.
Изоҳлар