Хабарингиз бор, 27 август - 1 сентябрь кунлари бўлиб ўтадиган клублар ўртасидаги Осиё чемпионати-2013 баҳсларига Япониянинг Нагоя шаҳри мезбонлик қилади. Мазкур турнирда Ўзбекистон шарафини 2012 йилги мавсум Ўзбекистон чемпиони - Тошкентнинг «Ардус» клуби ҳимоя қилади. Пойтахтликлар Осиё чемпионатида иштирок этиш учун 23 август куни Японияга учиб кетади.

Аввал хабар берганимиздек, «Ардус» Осиё чемпионати гуруҳ баҳсларида Таиланднинг «Чонбури Блувейв», Қатарнинг «Ал Саад» ҳамда Эрон чемпиони «Санои Гити Пасанд» клубларига қарши тўп суради. Маълумот ўрнида, «Санои Гити Пасанд» клублар ўртасида амалдаги Осиё чемпиони ҳисобланади. 2012 йили Осиё чемпионатида «Ардус» финалда Эрон клубига 1:2 ҳисобида мағлубиятга учраган эди.

Клублар ўртасидаги Осиё чемпионати - 2013 гуруҳ ўйинлари тақвими.
«В» Гуруҳи.
27 август, сешанба
16:00 Ардус – Чонбури Блувейв
18:30 Санои Гити Пасанд – Ал-Садд

28 август, чоршанба
16:00 Ал-Садд – Ардус
18:30 Чонбури Блувейв – Санои Гити Пасанд

29 август, пайшанба
18:30 Санои Гити Пасанд – Ардус
18:30 Чонбури Блувейв – Ал-Садд

* Ўйинларнинг бошланиш соатлари Тошкент вақтида кўрсатилган

Клублар ўртасидаги Осиё чемпионати-2013 баҳсларида иштирок этадиган «Ардус» клуби таркиби:

Дарвозабонлар: Рустам Умаров, Николай Кравченко
Ўйинчилар: Константин Свиридов, Андрей Шлема, Шухрат Тожибоев, Жавлон Аноров, Шахзод Бўриев, Фарход Абдумавлонов, Аъзам Саидахматов, Жамолиддин Шарипов, Зариф Бегулов, Дилшод Рахматов, Дилшод Ирсалиев, Артур Юнусов

Футзал: Аҳмедов Осиё чемпионатида иштирок этадиган таркибни эълон қилди