Унда Эрон олтин, Ўзбекистон кумуш, Таиланд эса бронза медалларини қўлга киритди.

Қуйида ана шу Осиё чемпионатининг рамзий терма жамоасини эътиборингизга ҳавола этамиз.

ОЧ-2016 рамзий терма жамоаси: Рустам Умаров (Ўзбекистон), Асқар Ҳассанзода (Эрон), Ҳуссайн Тайеби (Эрон), Субхавут Туенкланг (Таиланд), Григори Жиовенали (Австралия)

Заҳира: Тран Ван Ҳуй (Вьетнам), Муҳаммад Кешаварз (Эрон), Дилшод Раҳматов (Ўзбекистон), Нгуен Бао Куан (Вьетнам), Мориока Каору (Япония), Муҳаммад Тоҳири (Эрон)

Рустам Умаров Ўзбекистон терма жамоасидаги энг яхши футзалчи бўлди. У барча ўйинларда жамоамиз дарвозасини қатор голлардан сақлаб қолди. Финалгача етиб келишимизда Рустамнинг ҳиссаси улкан бўлди, рамзийнинг дарвозасини ҳеч иккиланишсиз Рустам Умаровга ишониб топширдик.

Асқар Ҳассанзода мусобақанинг энг яхши ўйинчиси деб топилди, шунинг ўзиёқ уни қандай ўйин кўрсатганидан дарак бериб турибди.

Форсларда афсонавий Вохид Шамсаидан кейин унинг ўрнини босиши мумкин бўлган тўпурар бу - Ҳуссайн Тайеби. Қитъа биринчилиги давомида унинг техник имкониятлари жуда юқори эканлигига гувоҳ бўлдик.

Голга чанқоқ бўлган Субхавут Туенкланг 14 гол билан тўпурар бўлди. У Таиланд терма жамоасининг ҳақиқий етакчиси эканлигини яна бир бор исботлади.

Австралия таркибида энг ажралиб турган футзалчи бу жамоа сардори бўлди. Жиовенали кучли зарбалари билан ёдда қолди.

Бундан ташқари, рамзий терма жамоанинг заҳира таркибини ҳам тузишга қарор қилдик. Заҳирадагилар ҳам Осиё чемпионати давомида жуда яхши таассурот қолдиришди.

Футзал бўйича Осиё чемпионати рамзий терма жамоаси