Ана шу ўйинлардан кейин қўшниларимиз бош мураббийи Нуржан Жетибаевнинг фикрлари билан қизиқдик.

"Бу икки ўйин мураббийлар шогирдларини яхши тайёрлай олганликларини кўрсатди. Кечаги баҳсдан кейин хатоларни тўғрилашга, стандарт вазиятларни ёпишга уриндик. Лекин, бунинг уддасидан чиқа олмадик. Бизга бугун стандартдан гол уришди. Дуранг - адолатли натижа бўлди. Йигитлардан мамнунман. Тўғри, хатоларимиз ҳали жуда кўп. Олдимизда анча вақт бор ва биз ўйинимизни кучайтиришга ҳаракат қиламиз.

Хатоларнинг кўплиги йигитларнинг ёшлиги билан боғлиқ деб ўйлайман. 19 ёшгача бўлган ўйинчиларга консентрацияни ушлай олиш, тажриба ва ҳотимжамлик етишмайди. Ёш бўлганликлари учун ҳам жуда кўп ҳаракат қилишади ва тез ўйнашади. Бу нарса у қадар ўхшамагани учун "брак"лар кўп бўлди. Мана шундай ўртоқлик ўйинлари орқали камчиликлар йўқолиб боради.

Олдимизда турган дастлабки вазифа оптимал таркибни топиш. Осиё чемпионатига яқин раҳбарлар билан терма жамоа олдига қандай вазифа қўйилиши ҳақида суҳбатлашамиз. Албатта, биз ўз олдимизга доимо юқори мақсадларни қўямиз. Ўйлашимча, сизнинг жамоангиз ҳам тўғри йўлдан кетмоқда. Бизни бу ерга таклиф қилганликлари учун раҳмат айтаман, бу икки ўйиндан кўп нарса олдик", - дейди Нуржан Жетибаев.

Футзал. Нуржан Жетибаев: "Олдимиздаги асосий вазифа оптимал таркибни топиш"