Машғулотлар кунига икки маҳалдан олиб борилмоқда. Эрталабки машғулот 10:00да, кечкиси эса 17:00да ўтказилмоқда.

Мендез аввалига йиғинга 20 нафар футзалчини чақирган эди, аммо сўнгги паллада Феруз Фахриддинов "Олмалиқ" жамоаси билан клублар ўртасидаги Осиё чемпионатида иштирок этадиган бўлди ва йиғиндан озод этилди. "Нафис" жамоаси аъзоси Муҳаммад Ражабов эса маълум сабабга кўра, якуний рўйхатдан тушиб қолди.

Бугун эрталабки машғулотда 18 ўйинчининг барчаси иштирок этди. Булар:
Дарвозабонлар: Акмал Хазратқулов, Шавкат Ибрагимов, Рамил Алмамедов.
Ўйинчилар: Дилшод Ирсалиев, Нодир Элибоев, Дилшод Раҳматов, Илҳом Хамроев, Элдор Ҳошимов, Даврон Абдураҳмонов, Алан Аминов, Сирожиддин Маҳмудов, Машраб Одилов, Дилмурод Шавкатов, Илҳом Ражабов, Алишер Ибрагимов, Тоҳир Абдураззоқов, Саид Ризо Миршарофов, Акбар Усмонов.

Бош мураббий ҳозирча оғир юкламалар бермаяпти ва енгил машқлар билан бирга тўп билан кўпроқ ишлатмоқда.

Кечки машғулот тренажерда бошланади ва залда давом эттирилади.
Барча машғулотлар "Ўзбекистон" спорт мажмуасида ўтказилмоқда.

Эслатиб ўтамиз, Ўзбекистон терма жамоаси 12, 13, 14 июль кунлари Тожикистон билан Тошкентда учта ўртоқлик учрашуви ўтказади.

Футзал. Ўзбекистон терма жамоасининг бугунги машғулоти