"Нефтчи" жамоаси эса мавсум якунига қадар ана шу рақамни ўзгартириш ниятида эмас. Бироз олдин Қаршига етиб келган фарғоналиклар эртага "Насаф" билан тўқнаш келишади. Бу ўйин олдидан меҳмонларнинг грузиялик легионери, ўтган турда "Бухоро" посбонини икки маротаба ранжитган Гиорги Никабадзе фикрлари билан бўлишди.

— "Насаф" билан ўйинга одатдагидек тайёрландик. Рақибнинг ўзига яраша кучли томонлари бор. Шунга яраша кучсиз жиҳатларини ҳам биламиз. "Нефтчи"ни Қаршида ғалабадан бошқа натижа қониқтирмайди. Шу куни бизнинг ютишимизни интиқ бўлиб кутаётган ажойиб суюклиларимиз бор.

— Ҳа, "Нефтчи"га иккинчи даврада келиб қўшилдим. Бошида жуда қийин эди. Чунки ҳаво ҳарорати жуда иссиқ бўлди. Ҳозир эса ўзимни яхши ҳис қиляпман. Ўзбекистон умуман Марказий Осиё мен учун қизиқ туюлди. Агентларим билан маслаҳатлашган ҳолда қарор қабул қилдим. Суперлига ўзгача ва қизиқарли чемпионат.

— Жамоада барча бир-бирига дўстона муносабатда. Бачана Арабули ва бошқа футболчилар билан алоқаларимиз жуда яхши. Бўш вақтимизни бирга ўтказамиз. Шунинг учун бўлса керак натижаларимиз ижобий.

Абдулазиз Искандаров ёзиб олди

Гиорги Никабадзе: "Насаф"нинг кучли ва кучсиз томонларини биламиз. "Нефтчи"ни фақат ғалаба қониқтиради"