"Чемпионатимиз Суперлигага айланиб, унда 12та жамоанинг иштирок этиши кучли рақобатни юзага келтирди. Ҳеч бир жамоа бирорта очкони осонликча қўлга киритгани йўқ. Мавсум сўнггига қадар интрига давом этишига шубҳа қолмади.

Ўйинларнинг телевидения орқали тўғридан-тўғри намойиш қилиниши ҳамда мухлисларга қулай бўлган вақтларга қўйилиши жуда катта янгилик ва олдинга силжиш бўлди.
Чемпионат форматининг ўзгариши, яъни жамоаларнинг иккита олтиликка бўлиниши эса мавсум сўнггига қадар осон ўйинлар бўлмаслигини таъминлайди.

Бизни олдинда "Нефтчи"га қарши жуда ҳам муҳим ўйин кутиб турибди. Фарғонада бўладиган дербилар доим муросасиз ўтган. Эндигиси эса янада шиддатли "жанг"га айланиши шубҳасиз. Биз Фарғонада боримизни берамиз. Кучли олтиликка киришимизга ишонаман. Имконият бор экан охиригача курашамиз. Ўйлайманки Олмалиқда ҳам шиддатли ўйин бўлади. АГМК кетма-кет ғалабали сериясини давом эттира олса керак, чунки улар учун ҳам "Металлург"дан олинадиган очколар олтинга тенг бўлиши шубҳасиз".

Ғиёс Комилов: "Фарғонада боримизни берамиз"