"Бавария" вингери Серж Гнабри мавсум оралиғида кетиши ҳақидаги миш-мишларга қарамай, клубда қолади. Бу ҳақда журналист Флориан Плеттенберг хабар бермоқда.

Манбага кўра, футболчи Мюнхен клубини тарк этишни истамаяпти. У жароҳатини тўлиқ даволаб, янги мавсумга оптимал формада кириб бормоқчи.

"Бавария" футболчини сотиш ҳақида ўйлаб кўрди, бироқ у учун ҳеч қандай аниқ таклиф олмади. Шундай қилиб, томонлар ҳамкорликни давом эттирадилар.

28 ёшли германиялик ўтган мавсум барча турнирларда 20 та ўйин ўтказиб, 5 та гол урди ва 2 та голли узатмани амалга оширди.

Гнабрининг "Бавария"даги келажаги ҳал бўлди