Ўтган мавсумда «Аякс»нинг Чемпионлар Лигасидаги иштироки сабаб мазкур чемпионатга қизиқувчилар сони сезиларли равишда ортганди. Олдинги гал чемпион номига сўнгги турда ойдинлик киритилганди. Янги мавсум ҳам бизга кўп нарсаларни ваъда қилмоқда. Зеро, чемпионат медалларининг амалдаги соҳиблари дастлабки турданоқ очко йўқотиб улгуришди.

«Аякс» биринчи турдаёқ очко йўқотди
«Витесс» ўз майдонида амалдаги чемпионни қабул қилди. Мавсумлар оралиғида Ҳаким Зиёш, Душан Тадич, Лассе Шёне, Давид Нерес, Донни ван де Бекларни сақлаб қола олган «Аякс»нинг муваффақиятини кутгандик. Шу куни меҳмонлар ҳимоясининг марказида янги тандем ўйнади. Лисандро Мартинес (21 ёш) ва Перр Схюрс (20 ёш) тандеми учрашув мобайнида бир неча бор қўпол хатоларга йўл қўйди. Жамоа ҳимоя чизиғи жудаям заиф кўринди. Мезбонларнинг 2-голи муаллифи Ришедли Базур тўпни эгаллаб олиб, бемалол жарима майдончасига кириб келиб зарба бергунга қадар ҳеч ким унга қаршилик қилолмади. Аммо қувноқ ҳужум чизиғи икктта тўп киритиб, дурангни таъминлади. «Реал»га ўтиши таҳмин қилинаётган Дони ван де Бек гол уришдан ташқари, Душан Тадичнинг голига ҳаммуаллифлик қилди ва учрашувнинг энг яхши футболчиси деб топилди. Жамоа етакчиси Дейли Блинд эса таянч зонасидаги фаоллиги билан ажралиб турди.

ПСВ ва «Фейноорд» дебютантларини мағлуб этолмади
«Твенте» майдонида меҳмон бўлган эйдховенликлар 1:1 ҳисоби билан ортга қайтишди. Дастлаб, мезбонлар вакили Кеито Накамура қанотдаги рейдидан сўнг, ўзининг суперзарбаси билан ҳисобни очди. 2000 йилда туғилган япониялик футболчи «самурайлар»нинг янги юлдузига айланса, ажаб эмас. Бизнинг 19 ёшли футболчиларимиз учун Суперлигамиз клубларининг асосий таркибида жой топилмаётган бир пайтда ҳавас қилса, арзигулик натижа. 65-дақиқада бурчакдан узатилган тўпни боши билан дарвозага йўллаган Дюмфрис Марк ван Боммел жамоасига бир очко келтирди. Умидли япониялик футболчи баҳснинг энг яхши футболчиси деб топилди.

"Твенте" аъзоси Кеито Накамура

Яп Стам бошчилигидаги «Фейноорд» эса ўз майдонида яна бир дебютант Роттердамнинг «Спарта» клубини қабул қилди. Қизиқ томони шундаки, осон ғалаба қозониши кутилган мезбонлар 90+4-дақиқада Сем Ларсон киритган гол эвазига базўр бир очколик бўлишди холос.

"Фейеноорд" устози Яп Стам

Голландия чемпионати
1-тур натижалари
Зволле - Виллем II 1:3
Витесс - Аякс 2:2
Эммен - Гронинген 0:1
Венло - РКС Валвейк 3:1
Твенте - ПСВ 1:1
Хераклес - Херенвен 0:4
Фейеноорд - Спарта 2:2
Адо Ден Хааг - Утрехт 2:4
АЗ Алкмаар - Фортуна 4:0

Тўпурар: Вангелис Павлидис (Виллем II) - 2та гол

Чемпионат тўпурари Вангелис Павлидис

Голландия чемпионати
2-тур жуфтликлари
9 август
Спарта - Венло
10 август
Аякс - Эммен
Гронинген - Твенте
ПСВ - Адо Ден Хааг
Виллем II - Витесс
11 август
РКС Валвейк - АЗ Алкмаар
Утрехт - Зволле
Фортуна - Хераклес
Херенвен - Фейеноорд

Фаҳриддин Рўзиев тайёрлади

Голландия. 1-тур шарҳи. «Аякс»нинг муваффақиятсизлиги ва бошқа сенсациялар