"Оғриқли ҳисоб ва мағлубият бўлди. Биз ўзимизга кела олмаяпмиз. Мухлисларимизнинг жахли чиқиб турганида бизга ҳам осон бўлмайди. Ҳисоб оғриқли бўлди. "Брайтон" ажойиб ўйин кўрсатди, айниқса, биринчи бўлимда.
Барчамиз дастлабки бўлимдаги ўйин учун жавобгарликни бўйнимизга олишимиз керак. Керакли даражада ўйнай олмадик. Ўз вазиятларимиздан фойдалана олмадик, рақиблар эса барча вазиятларидан уриб кетишди.
Рақиб дарвозасига хавф солиш учун кўплаб вазиятларимиз бўлди. Афсуски, сўнгги пас ёки зарбалар ноаниқ бўлаверди. Қачонки мағлуб бўлсанг, янада кўпроғига эриша олишингни тушунишинг керак бўлади.
"Брайтон"дан узр сўрайдиган жойим йўқ. Ушбу клубда яхши ишладим деб ўйлайман. Одамлар эса ўз фикрини бошқача тарзда намойиш қилишмоқда.
Мағлубият ҳам жараённинг бир қисми. Таъсирланиш, оғриқ ҳис қилиш ҳам керак. Бу эса ўсиб-улғайиш учун фойдали. Мен тайёр маҳсулотни қабул қилиб олганим йўқ. Бугунги оғриқдан тўғри ҳулоса чиқаришимиз керак", - деди Поттер.

Грэм Поттер: "Мен тайёр маҳсулотни қабул қилиб олганим йўқ"