Грузия пойтахти фуқаролари шаҳарнинг марказий кўчаларини тўлдириб, терма жамоа муваффақиятини нишонлашди. Автомобиллар сигналлари тинмас, баъзи йўлларда ҳаракат тўхтаб қолди. Жумладан, Кура дарёсининг ўнг ва чап қирғоқларида транспорт ҳаракати бутунлай тўхтатилди. Тбилисининг чекка ҳудудларида ҳам шунга ўхшаш вазиятлар содир бўлди. Пойтахтнинг Глдани туманида автомобиль шинавандалари дрифт-шоу ташкиллаштиришди. Одамлар Грузия байроғи билан футбол терма жамоасини қўллаб-қувватловчи ҳайқириқларни айтиб юришди.
Эслатиб ўтамиз, Грузия терма жамоаси 3-турда Португалия (2:0) мағлубиятга учратиб, гуруҳда учинчи ўринни эгаллади ва плей-офф босқичига йўлланмани қўлга киритди.
Изоҳлар