Аввал хабар берганимиздек, "Бухоро" россиялик Гус Хиддинкнинг "Анжи"даги собиқ ёрдамчиси Андрей Гордеев билан музокараларни ўтказаётганди.

"Бухоро"га хорижлик мураббий келади...

Куни кеча россиялик мутахассис юртимизга, хусусан Бухорога ташриф буюрган ва жамоадаги шароитлар билан яқиндан танишиб, музокараларда қатнашган.

Ҳозирча оғзаки келишувга кўра, томонлар шартнома бўйича гаплашиб олишган. Бироқ Гордеев "Бухоро"га ўзининг мураббийлар штаби билан келиш шартини қўйган. Бу эса клубга қўшимча ҳаражат дегани. Шу боисдан "Бухоро" клуби раҳбарияти мазкур масалани обдон ўрганиб чиқиб, тез кунларда якуний қарорга келиши кутилмоқда.

Айни пайтда Андрей Гордеев ўз юртига қайтиб кетган ва "Бухоро" томонидан якуний қарорни кутмоқда. Агарда клуб раҳбарияти мазкур масалага ечим топса, унда тез орада Россия ёшлар терма жамоасининг собиқ мураббийи, ўз вақтида Гус Хиддинкга ёрдамчи сифатида ишлаган мутахассис Андрей Гордеев билан расман шартнома имзолайди.

Гус Хиддинкнинг ёрдамчиси Ўзбекистонга келди ва...