Матбуотда аллақачон "янги Месси" деб номланаётган аргентиналик вундеркиндни йирик клублардан бирига ўтиши ҳақида ёзмоқда.

Мастантуоно 16 ёшида машҳур бўлиб, "Ривер" тарихидаги энг ёш гол муаллифига айланди. У мунтазам равишда Аргентина ёшлар терма жамоасига чақирилади, у ерда етуклиги ва ўйинни мукаммал тушунишини намойиш этади.

Дастлаб футболчига "Милан" ва "Интер", кейин эса "Барселона" қизиқиш билдираётганди. Бироқ Пеп Гвардиола энди курашга қўшилди. "Манчестер Сити" бош мураббийи Мастантуонони келажак учун лойиҳа сифатида кўради ва вазиятни Хулиан Альварес билан солиштиради. "El Nacional" хабарига кўра, "Сити" аргентиналик ўйинчига фойдали шартнома ва дунёнинг энг номдор мураббийларидан бири бошчилигида ўсиши учун барқарор шароитларни таклиф қилишга тайёр.

"Барселона" учун вазият молиявий чекловлар туфайли мураккаб. Клуб Франконинг истеъдодини юқори баҳолайди, аммо 40 млн евролик трансфер нархи шошилинч равишда ўйинчи сотилмаса ёки инвестиция жалб қилинмаса, жуда қимматлик қилади. "Сити" ва ПСЖ рақобатлашаётган бир пайтда каталонияликлар истиқболли футболчисиз қолиб кетиши хавфи бор.

Гвардиола аргентиналик иқтидорни "Барселона"дан тортиб олмоқчи