"Бир неча ҳафта олдин айтгандим: агарда мавсум якунига оз қолганида мағлуб бўлсак, биз учун барчаси тугайди. Сентябрь, октябрь ёки ноябрь ойида бундай ҳолатда бўлсанг, ҳеч қандай босимни ҳис қилмайсан. Айниқса, кетма-кет икки марта АПЛ совринини ютганимиздан кейин.
АПЛдаги илк мавсумимизни шундай бошлагандик - ҳар бир ўйин финалга тенг эди. Буни тўппа-тўғри тушуниб турибман. Ҳозир эса "Арсенал"га разм солар эканман, улар ҳам ҳар бир учрашувга финалдек майдонга тушаётганини кўриш мумкин. Кетма-кет икки совриндан кейин биз учун АПЛнинг ҳар бир ўйини финалга тенг бўлмаяпти.
Бироқ ҳозир, сўнгги ойлар давомида Англия Кубоги, АПЛ ва ЕЧЛдаги ўйинларнинг қанчалар қийинлашиб бораётганини ҳисобга олиб, мавсум якунланиб бораётганини сезяпмиз. Мавсумнинг якуни яқинлашиб келмоқда.
Ва шу орқали нима учун ўйнаётганимизни тушуниб боряпмиз. Энди барчаси ўз қўлимизда. Шак-шубхасиз, "Арсенал"нинг қўлида ҳам. Агарда улар ўз ўйинларини ютаверса, уларга боғлиқ бўлиб қолади. Олдимизда ҳали 7 ўйин бор.
Бу муҳим ўйин, бироқ ҳал қилувчи эмас. Чунки олдинда бизни бир-биридан қийин учрашувлар кутиб турибди. Аммо уларнинг муҳимлилик даражасини сўз билан тушунтириб бера олмайман", - деди "Сити" бош мураббийи.

Гвардиола: "Арсенал" учун ҳар бир ўйин финалга тенг, бизга эса йўқ"