Клублар миқиёсида кичик танаффус юзага келган бўлсада, "Бавария"нинг Зэбенерштасседаги қароргоҳида терма жамоаларга кетмаган футболчилар жамоа бош мураббийи Хосеп Гвардиола билан шуғулланишда давом этишмоқда.

"Натижаларимиз ҳамма саволларга жавоб бермоқда аслида. Биз тўғри йўлдан кетмоқдамиз. Ҳар сафар ўз ўйин сифатимизни яхшилаб бормоқдамиз ва ўтган йилгига нисбатан анча ўсишга эришдик. Жамоа кучли ўйнамоқда.

Футболчиларим машғулотларда жуда катта куч билан ишлашмоқда. Бу ҳали ҳаммаси эмас. Жамоа бунданда кучлироқ ўйин кўрсата олади. "Бавария" ҳали ўзининг энг юқори нотасигача кўтарилгани йўқ. Футболчиларим эндиликда майдонда тўпсиз кўп югуришмаяпти. Улар тобора ўз ўйинларини яхшилаб боришмоқда. Биз ўз ишимизни янада яхшилашга ҳаракат қилишмиз зарур. Бу билан тўхтаб қолмаслигимиз керак.

Жуда кўп жиҳатлар айнан кичик деталларга боғлиқ бўлади. Кичик нарсалар аслида катта ғалабаларга сабаб бўлади. Буни эътибордан қочирмаслик лозим. "Бавария" стандарт вазиятлари бўйича қаттиқ иш олиб бориши керак. Бу борада биз мақтана олмаймиз. Асосий интилишдан тўхтамаслик керак. Тўғри йўлдан давом этишимиз зарур", - дейди Хосеп Гвардиола.

Гвардиола: "Бавария" ўтган йилгига нисбатан кучлироқ ўйнамоқда"