Klublar miqiyosida kichik tanaffus yuzaga kelgan bo'lsada, "Bavariya"ning Zebenershtassedagi qarorgohida terma jamoalarga ketmagan futbolchilar jamoa bosh murabbiyi Xosep Gvardiola bilan shug'ullanishda davom etishmoqda.

"Natijalarimiz hamma savollarga javob bermoqda aslida. Biz to'g'ri yo'ldan ketmoqdamiz. Har safar o'z o'yin sifatimizni yaxshilab bormoqdamiz va o'tgan yilgiga nisbatan ancha o'sishga erishdik. Jamoa kuchli o'ynamoqda.

Futbolchilarim mashg'ulotlarda juda katta kuch bilan ishlashmoqda. Bu hali hammasi emas. Jamoa bundanda kuchliroq o'yin ko'rsata oladi. "Bavariya" hali o'zining eng yuqori notasigacha ko'tarilgani yo'q. Futbolchilarim endilikda maydonda to'psiz ko'p yugurishmayapti. Ular tobora o'z o'yinlarini yaxshilab borishmoqda. Biz o'z ishimizni yanada yaxshilashga harakat qilishmiz zarur. Bu bilan to'xtab qolmasligimiz kerak.

Juda ko'p jihatlar aynan kichik detallarga bog'liq bo'ladi. Kichik narsalar aslida katta g'alabalarga sabab bo'ladi. Buni etibordan qochirmaslik lozim. "Bavariya" standart vaziyatlari bo'yicha qattiq ish olib borishi kerak. Bu borada biz maqtana olmaymiz. Asosiy intilishdan to'xtamaslik kerak. To'g'ri yo'ldan davom etishimiz zarur", - deydi Xosep Gvardiola.

Gvardiola: "Bavariya" o'tgan yilgiga nisbatan kuchliroq o'ynamoqda"