"Бир неча ҳафта буни ҳаёлимдан чиқариб ташлай олмадим (ўтган йилги парвоз назарда тутилмоқда). Бу ёмон эди. Бу мавсумнинг охирги ўйини бўлганди ва биз кейинги босқичга чиқмоқчи эдик. "Лион"ни табрикладик ва ўзимиз кейинги босқичга чиқишга лойиқ эмаслигимизни тан олгандик.

Бу мавсум балки "Боруссия Д"га стабиллик етишмаётгандир, аммо жамоа индивидуал томонлама кучли, ҳар бир футболчи - фантастика! Хуммельс, Жан, Менье, Дауд... Холанд, Санчо, Азар, Ройс, Брандт. Академиянинг ажойиб футболчилари. Улар плей-оффда ажойиб ўйнайдиган "Севилья"ни мусобақадан чиқариб юборишди.

Рақиб жамоани таҳлил қилаётганимда уларнинг жадвалдаги ўрнига эътибор қаратмайман. Бу 0:0 ҳисобида бошланадиган футбол ўйини. Иккита ўйин бўлади ва ким яхши ўйнаса, ўша кейинги босқичга чиқади.

Мюнхенда ишлаганимда Дортмунд бизнинг принципиал рақибимиз эди. Хар йили уларга қарши бор кучимиз билан ўйнардик. У ерда уч йил давомида ўйнаганмиз: биринчисида Юрген Клопп билан, қолган иккитасида Томас Тухелга қарши", - деди Гвардиола.

Гвардиола "Боруссия Д"га қарши ўйин олдидан фикр билдирди