"Кейинги ўн бир ой давомида ҳар уч кунда ўйин ўтказамиз. Агар Ҳусанов барча ўйинларни ўнг қанот ҳимоячиси сифатида ўйнайди деб ўйласангиз, бунга бирорта инсон бардош бериши мумкин эмас! Бизга футболчиларнинг жароҳатдан қайтиши зарур.

Лекин унинг жисмоний ҳолатини биламан, у жуда ёш, баъзи нарсаларни ўрганиши керак, аммо тезлиги жуда юқори! У ўз қанотини жуда зўр ҳимоя қилди. У бехато ўйнади, тўпни кўп йўқотмади.

У ўрганиши керак, баъзида шижоати туфайли нотўғри қарорлар қабул қилади, лекин у келганидан бери кўп суҳбатлашамиз. Барчасига чора вақт масаласи, холос.

Унинг тезлиги ақл бовар қилмас даражада, доим диққатини жамлаган ҳолда ўйнайди. У жуда аъло даражада ўйин кўрсатди", деди испаниялик 54 ёшли мураббий.

Гвардиола Ҳусановнинг ўйини ҳақида фикр билдирди