“Бугунги эмас чорак финалдаги ўйин ҳақида кўпроқ ўйнадик. Бир неча футзалчиларнинг жароҳати бўлса уларга дам бердик. Бошқаларга имконият бердик”, - дейди мураббий.

- Учинчи тур ўйинида шогирдларингиз ўзларига кўп ишониб юборишмадими?
- Бугунги ўйиндаги натижа биз учун ҳеч қандай аҳамият касб этмасди. Барча эътиборимиз чорак финалдаги ўйинга қаратилган.

- Бугун қайси ўйинни кўрасиз?
- Албатта Ўзбекистон – Ливан учрашувини кузатамиз. Сабаби биз чорак финалда айнан мусобақа мезбонига қарши ўйнаймиз. Рақибни ўрганишимиз керак.

- Жамоа менежери ўйиндан олдин Ўзбекистондан қўрқмаяпмиз деб айтиб ўтди. Нимага ишониб бундай деганди деб ҳисоблайсиз?
- Ўзбекистон терма жамоаси кучли жамоа. Лекин бизнинг мақсадимиз Жаҳон чемпионатига чиқиш экан ҳар қандай жамоани ютишга ҳаракат қиламиз.

- Эрондек кучли рақибга қарши ўйинда иккинчи дарвозабонни туширдингиз. Лекин 3та гол ўтказиб юборгач яна асосий посбонни туширдингиз. Бу хато қарормиди?
- Иккинчи дарвозабонимизга ўйин амалиёти бериш учун туширгандим. Аммо у қўпол хатоларга йўл қўгач асосий посбонимизни туширдик.

Ҳаитҳам Аббас: "Ўзбекистон кучли, лекин ЖЧ йўлида уларни мағлуб этмоқчимиз"