Дастлаб, 20-22 январь кунлари назоратчилар малакасини ошириш бўйича курслар ўтказилади.

Жумладан, биринчи кун ўйин қоидалари бўйича савол-жавоб ва имтиҳонлар ўтказилса, иккинчи кун назоратчи рапортини тўлдириш методикаси бўлиб ўтади, учинчи куни эса айнан шу методика бўйича имтиҳон ва ФИФАнинг «Ўйин қоидалари» бўйича видеоматериали намойиш этилади.

Ҳакамларнинг биринчи курслари 27 январь куни бошланади. Ҳакамлар «Ёшлик» стадионида рўйхатдан олинганидан сўнг, ФИФА нормативлари бўйича тест олинади, шунингдек, «Ўйин қоидалари» бўйича имтиҳонлар ўтказилади.

Шунингдек, ўйин қоидалари бўйича савол-жавоб ўтказилади ва шу йўналишдаги ФИФА видеоматериали намойиш этилади. Иккинчи кунда ҳакамлар амалий машғулотлар ўтказишади, шунингдек, ўйинларни илмий-методик таҳлил қилишади. Учинчи-бешинчи кунларда ҳам шундай машғулотлар ўтказилади.

Ҳакамлар курсларининг кейинги босқичлари тартиби ҳам шундай кўринишда бўлади. Ҳакамларнинг машғулотларини ОАВ вакиллари ҳам кузатиб боришлари мумкин.

1-босқич: 20-22 январь (назоратчилар малакасини ошириш бўйича курслар)
2-босқич: 27-31 январь (ҳакамлар учун ўқув-машғулот йиғини)
3-босқич: 3-7 февраль (ҳакамлар учун ўқув-машғулот йиғини)
4-босқич: 10-14 февраль (ҳакамлар учун ўқув-машғулот йиғини)
5-босқич: 17-21 февраль (ҳакамлар учун ўқув-машғулот йиғини)

Ҳакамлар ва назоратчиларнинг курсларини ОАВ вакиллари кузатиб боришлари мумкин