- Ўйин ҳақида аввало шуни айтишим мумкин, бугун амалдаги чемпионга қарши баҳс олиб бордик. "Насаф" жуда яхши шаклланган жамоа ва улар билан осон бўлмаслигини билардик. Футболчиларимга охиригача курашишгани учун раҳмат айтаман. Тўғри, хатолар бўлди, чунки "Насаф"дек жамоа барибир хато қилишга ундайди. Аммо дуранг учун хурсандмиз, бунинг учун шогирдларимга раҳмат. Ўйиндан ва натижадан қониқдим. Бугун ютишимиз ҳам, ютқазиб қўйишимиз ҳам мумкин эди. Якунда эса баҳс 1:1 ҳисобида якун топди. Оғир ўйиндан кейин футболчиларда чарчоқ кўринди. Ҳечқиси йўқ, дам олиб кейинги учрашувга ҳозирлик кўришни бошлаймиз.

- "Хоразм" жамоаси кейинги ўйинларга жисмонан тайёрми?

- Навбатдаги учрашувни 11 май куни сафарда "Навбаҳор"га қарши ўтказамиз. Олдинда ҳали 9 кун борлигини ҳисобга олсак, ўйлайманки, етарлича дам олиш ва бу ўйинга тайёргарлик учун вақтимиз бўлади. Энг аввало биз учун тезроқ тикланиб олиш зарур. Шундан сўнг машғулотларга ва ўйинимизни янада яхшилашга эътибор қаратамиз. Жамоамизнинг жисмоний ҳолати ёмон эмас, фақат баъзи ўйинлар тиғиз пайтга тўғри келиб қолгани учун бироз чарчоқ сезилди. Ўйлайманки, тез орада бу чарчоқ ҳам ортда қолади.

Ҳаким Фузайлов: "Амалдаги чемпиондан бир очко олдик, бундан хурсандмиз"