"Нима ҳам дердим, бу йил Про лигада жамоалари ўтган йилгига қараганда нисбатан тенг кучли. Кучсиз жамоалар йўқ. Бугунги ўйин бунинг исботи бўла олади. "Турон" жуда яхши қаршилик кўрсатди. Йигитларга илк ғалабани қўлга киритишгани учун раҳмат айтаман. "Турон" бунга қадар кетма-кет иккита ғалабани қўлга киритганди. Менимча, "Бухоро" рақибга нисбатан кўп вазиятлар яратди", – дейди Фузайлов.

- "Бухоро" икки йилдан бери ўз майдонида ўйнаётгани йўқ. Нима деб ўйлайсиз, "Бухоро" меҳмонда ўйнайдиган жамоа сифатида шаклланиб бўлдими?

- Албатта, бу ҳақда гапириш оғир. Стадионни кўрдим. Апрель ойи ўрталарига келиб ўз майдонимизда тўп тепишимиз мумкинлигини айтишди. Футбол мухлислар учун ўйналади.

- "Турон" жамоаси бош мураббийи майдон ҳолатига ёмон баҳо берди. Сиз қандай фикрдасиз?

- Бундай фаслда кузатиладиган ҳолат. Албатта, чим бироз юмшоқроқ. Ҳозир баҳор. Ўйлайманки, бир неча ҳафтадан сўнг ҳаммаси жойига тушади. Жамоамиз янги. 2:0 дан сўнг хотиржамликка берилишди. Иккинчи бўлимда йигитлар яхши ҳаракат қилишди.

- Сербиялик дарвозабонни жамоага олиб келиш қарори кимдан чиқди?

- Ўз вақтида "Истиқлол"да ишлаганимда у қўл остимда ўйнаган. Профессионал футболчи. Ўзбекистон чемпионатига кўникмоқда. Стошич ҳали янада яхши ўйнайди. Қобулжонов жарроҳлик амалиётини ўтказди. Яна 2-3 ҳафтадан сўнг тикланиш машқларини бошлайди.

Ҳаким Фузайлов: "Мавсумдаги илк ғалаба учун йигитларга раҳмат"