Чемпионат старт олди. Биласиз, "Бухоро" аввалги икки мавсумда Суперлигада қатнашмади. Биринчи ўйин сафарда "Турон"га қарши қийин кечиши аниқ эди. Умуман ҳеч кимга осон эмас. Ўйинга тўхталсам, яхши бошладик, гол урдик. Иккинчи бўлимда хотиржамликка берилдик. Четлатишга қарамай йигитлар борларини беришди. Хатолар бор албатта. Муҳим уч очкони ишлаб олдик. Футболчиларга раҳмат айтиб қоламан",- дейди Ҳаким Фузайлов.

- "Турон" "Бухоро" учун таниш рақиб. Ўтган йили Про лигада тўрт маротаба тўқнаш келдинглар. Айнан шу омил ғалабага таъсир қилдими?

- Унчалик демаган бўлардим. Икки жамоада бир қатор янгиланишлар бўлди. Янги футболчилар бор. Очиғи "Турон" кўпроқ футболчи қўшиб олди. Биз ўз ўйинимизни кўрсатдик. Ҳозир баҳор ва мавсум бошланиши. Суперлигада кучли жамоалар кўп. Шу боис ҳар бир ўйин бугунгидек қийин ўтади.

- Александар Станисавлевичнинг захирадан майдонга тушиши кутилмаган бўлди...

- У сонидан жароҳат олди. Узоқ вақт даволанди. Ҳали функционал тайёр эмас. Бироз вақт зарур. Александарни биздан ташқари ҳам ўзида кўрадиган жамоалар бор эди. Бундай футболчи жамоамизга келганидан хурсандмиз. Функционал тайёр бўлганидан сўнг секин-аста таркибга қўшиб борамиз.

- Файзуллобек Жуманқўзиевнинг қизил карточкасига муносабатингиз?

- Бу - футбол. Ўша вазиятда ҳакамлар адолатли қарор қабул қилди. Қоида бузилганди.

- "Бухоро" олдига қандай мақсад қўйилган?

- Биринчи ўринда томошабинларни ўз ўйинимиз билан стадионга қайтариш. Яхши ўйин ортидан натижа ҳам келади.

Ҳаким Фузайлов: "Суперлигада ҳеч кимга осон эмас"