Француз клуби Ҳаким Зиеш ушбу трансфер ойнасида "Вулверхемптон"га ўтиб кетган Пабло Сарабия учун ўринбосар сифатида кўрмоқда. ПСЖ вакиллари айни пайтда "кўклар" билан ижара шартномаси борасида музокаралар олиб бормоқда.Томонлар 1 февраль куни кечаси ярим тунда трансферлар даври тугагунга қадар келишувга эришишга умид қилмоқдалар.

Марокаш терма жамоасида Зиешни шериги Ашраф Ҳакими футболчининг ПСЖга ўтганини тасдиқлади.

Эслатиб ўтамиз, Зиеш Лондон клуби сафида 2020 йилдан бери ҳаракатланмоқда. Жорий мавсумда марокашлий футболчи Англия Премьер-лигасининг 10 та ўйинида иштирок этди ва 1 та голли узатмани амалга оширди. Зиеш 2015 йилдан буён Марокаш термасига чақирув олади.

Ҳаким Зиеш ПСЖга ўтишини якунлаш учун Парижга учиб кетди