Гап ҳужумчи Ҳамидулло Абдуҳамидов ҳақида кетмоқда. Футболчи янги мавсум олдидан жароҳатдан сўнг футболга қайтиши ва режалари ҳақида фикрларини билдирди.
- 2024 йилни Про лиганинг "Дўстлик" жамоасида ўтказдим. Икки йиллик танаффус ва жароҳатлардан сўнг яна футболга қайтганимга худога шукур қиламан. Жарроҳлик амалиётидан сўнг тушкунликка тушиб қолдим ва футбол билан хайрлашиш фикри уйғонди. Лекин ота-онам, яқинларимнинг далда бериб тургани учун яна майдонга қайтдим. Ўтган мавсум мен учун кутилганидан яхши ўтди дея оламан
- Ёшлигимдан футбол билан шуғулланганман. Қайтишни сўз билан таърифлаб бера олмайман. "Дўстлик" жароҳатдан қайтганимга қарамай қабул қилди ва ўйин амалиёти берди. Чемпионат давомида бир нечта голларда иштирок этдим. Жамоага ёрдам беришга ҳаракат қилдим. Афсуски, таркибимиз янги ва ёш футболчилардан ташкил топгани сабабли тажриба етишмади.
- Режаларим яхши жамоада тўп тепиш ва спорт формамни юқори даражага олиб чиқиш. Айни пайтда бир нечта жамоалардан таклифлар бор. Улар орасида хориж жамоалари вариантлари йўқ эмас.
Изоҳлар