- Кучли жамоага қарши ўйин ҳақида фикрларингиз қандай?

- Ўйин тенг бўлди деб ўйлайман. Кўп курашлар бўлди, фақатгина гол етишмади. Агар голлар бўлганда, ўйин ёрқинроқ кўринарди.

- Ўйин қўпроқ майдон марказида кечди, икки жамоа ҳам тўп билан асосан майдон ўртасида ҳаракат қилди. Ўйинда ҳавфли вазиятлар ҳам кам бўлди. Бунинг сабаби нимада?

- Россия терма жамоаси ўйинни бешта ҳимоячи билан бошлади. Шунинг учун кўп курашишга тўғри келди. Рақибларга кўп вазият яратишга йўл қўймадик, бизда ҳам вазиятлар кам бўлди. Фикримча, ҳеч бир жиҳатда рақибга ютқазмадик. Факатгина голлар етишмади.

- Россия терма жамоаси ҳимоячилари анча тажрибали. Улар ишончли ўйин намойиш этишди. Рақиблар ҳимояси бизнинг ҳужум чизиғимизга қанчалик қийинчилик туғдирди?

- Замонавий футболда яхши ҳимоя чизиғи ҳар бир кучли терма жамоада мавжуд. Россия терма жамоасида нафақат ҳимояда, балки ҳар бир чизиқда кучли ўйинчилари бор. Россия анча кучли рақиб деб ўйлайман.

- Георгий Жикия сизни йиқитган вазиятда, фоль бормиди?

-Ҳа, 90 фоиз фоль бор эди. Ҳали вазият такрорини кўрмадим, лекин қоида бузиш бор эди.

Ҳожимат Эркинов: "Жикия томонидан менга нисбатан қоида бузиш бор эди"