Водийда "Андижон" жамоаси Қаршининг "Насаф" клубини қабул қилди. Ушбу учрашув жорий мавсум "Соғлом Авлод" стадионидаги илк баҳс бўлди ва очилиш ўйини вилоят учун ўзгача байрамга айланди. Кеча вилоят ҳокими Андижонда тушдан кейин ҳаммага дам эълон қилгани ҳақида хабар берган эдик. Бундан ташқари, ҳоким кечаги ўйиндан бир кун олдин футболчилар билан учрашган ва уларга "Насаф"га қарши ўйин учун пул мукофотлари, бундан ташқари жамоа ғалаба қозонган тақдирда ярим ҳимоячи Фарҳод Бекмуродовга "Ласетти" (Gentra) автомобили совға қилишини ваъда берган эди.

Агар эртага "Насаф" мағлуб этилса, "Андижон" футболчисига "Жентра" автомобили совға қилинади

Суперлига. "Андижон" ўз майдонидаги илк учрашувда "Насаф"ни мағлуб этди

"Насаф" устидан 3:1 ҳисобидаги ғалаба қўлга киритилганидан кейин стадионнинг ўзида шахсан вилоят ҳокими Шуҳратбек Абдураҳмоновнинг ўзи футболчиларнинг ҳар бирига 10 миллион сўмдан пул мукофоти тарқатиб чиқди.

Ўйин тугаши арафасида олдиндан олиб келиб қўйилган "Ласетти" (Gentra) автомобили "Соғлом Авлод" стадионига кириб келди.

Автомобилни ваъда қилинганидек Андижон вилоят ҳокими Шуҳратбек Абдураҳмоновнинг ўзи Фарҳод Бекмуродовга совға қилди.

Ўйинчилар тақдирлаб бўлинганидан сўнг "Андижон" аъзолари ҳоким билан бирга мухлислар олдига бориб ғалабани нишонлашди. "Исландча хук" нишонлашда ҳокимнинг ўзи ҳам иштирок этди.

Андижон халқи мавсумдаги биринчи ғалаба билан муборакбод этилди.

КЕйин эса Шуҳратбек Абдураҳмоновнинг ўзи ҳам футболчилар билан бирга "Андижон полкаси"га рақсга тушди.

Бир сўз билан айтганда, кечаги кун Андижон халқи учун чинакам байрамга айланиб кетди. Стадиондаги мухит эса максимал даражада аъло бўлди.

Толибжон Қосимов, Андижондан махсус

P.S. "Андижон" - "Насаф" учрашувидан суратларни сал туриб томоша қилишингиз мумкин бўлади.

Ҳоким ваъдасини бажариб автомобил совға қилди ва Андижон полкасига рақсга тушди