Мазкур гуруҳда Голландия, Чехия ва Туркиядан кейин тўртинчи жамоа сифатида қаралган Исландия Ларс Лагербак бошчилигида муддатидан икки тур аввал Франция яшил майдонларида бўлиб ўтадиган қитъа чемпионати йўлланмасини қўлга киритди. Боиси Туркия ўз майдонида учар голландларни мағлубиятга учратди. Бир тур аввал Голландия устидан ғалаба қозонган Исландия, яна бир неча дақиқалардан сўнг Қозоғистон терма жамоасига қарши кечадиган ўйинда йўлланмани расман қўлга киритадилар.

Ҳозиргина сафарда Латвия устидан 1:2 ҳисобида ғалаба қозонган чехлар ҳам Исландия каби тўғридан - тўғри Евро йўлланмасига эга чиқдилар. Павел Врба бешинчи маротаба терма жамоасини тўрт йилликнинг муҳим мусобақасига олиб чиққан мураббий сифатида тарихга кирадиган бўлди.

Евро-2016на энг яхши учинчи ўрин натижасини қайд этган терма жамоа ҳам тўғридан-тўғри мусобақага йўл олади. Қолган 8та иккинчи ўрин сохиблари эса ўзаро баҳс олиб борадилар ва ғолиб чиққан терма жамоагина мусобақа йўлланмасига эга чиқади. Кўриб тургангиздек, оз бўлсада Голландияда имконият мавжуд. Лекин бугунги ғалабадан сўнг Туркия терма жамоаси учинчи ўринга кўтарилиб олди.

"А" Гуруҳи. 8 тур.
Туркия - Голландия 3:0
Голлар: Огузан Озяпук (8), Арда Туран (26), Бурак Йилмаз (86)

Латвия - Чехия 1:2
Голлар: Артурс Зюзинс (73) - Давид Лимберски (13), Владимир Дирада (25)

Исландия - Қозоғистон
Соат: 23:45.

Ҳозирча Голландия гуруҳда қолади, Исландия ва Чехия Евро-2016да!