Ҳусан ака журналист сифатида радиода, газетада ва телевиденияда ҳам фаолият юритди ва юритмоқда. У киши ўзининг меҳнати, касбига бўлган меҳри эвазига катта ҳурмат ва эътироф соҳибига айланди.

Табиатан хушчақчақ, очиқкўнгил бўлган Ҳусан акани ҳаммамиз ҳурмат қиламиз, эъзозлаймиз. Футболни чин дилдан севган Ҳусан ака ҳамон футболдан узоқлашгани йўқ. У киши “Марказий” стадионимизда суҳандонлик қилиб келмоқда.

Бугунги кунда Ҳусан ака ҳаёти давомида орттирган касб маҳоратини ёшлар билан баҳам кўриб келмоқда. Шунданда у кишининг шогирдларини санаб адоғига етиш қийин.

Ҳусан акани футбол тарихининг “жонли китоби” деб, таърифласак асло муболаға бўлмаса керак. Чунки, суҳбат қилсангиз, гурунг фақат футбол ҳақида бўлади. Зерикмайсиз.

Жамоамизда шундай инсон меҳнат қилаётганидан фахрланамиз. Оиласи, фарзандлари, неваралари ҳамда бизнинг эъзозимизда бўлган Ҳусан ака бугун ўзининг таваллуд айёмини нишонламоқдалар.

Ҳусан ака аввало сизга мустаҳкам сиҳат саломатлик тилаймиз. Оила аъзоларингиз, фарзандларингиз ва бизнинг бахтимизга доимо соғ ва омон бўлинг. Умрингиз узоқ бўлсин. Фарзандларингиз, невараларингизнинг камолини кўриб юринг.

Туғилган кунингиз муборак бўлсин!

Ҳусан ака Темировни табриклаймиз!