Ушбу интервью пайти у Ҳусановга "Сити"дан бошқа яна қайси жамоалар қизиққани ҳақида гапириб ўтди.

Ҳусанов 20 январь куни расман "Манчестер Сити" ўйинчиси сифатида эълон қилинган эди.

- Шахсан сиз Абдуқодирнинг "Сити"га трансфери ҳақиқатга яқин эканлигини тушундингиз? Музокаралар қандай ўтди?

- Ноябрь ойининг охирларида "Сити" бизнинг футболчига жиддий қизиқаётганини тушундик. Декабрнинг бошида эса инглиз клуби эҳтимолий трансфер борасида "Ланс" билан ҳам, биз билан ҳам гаплашишни бошлади.

- Бошқа вариантлар ҳам бормиди?

- Ўша пайтда Ҳусанов борасида АПЛнинг ярим жамоаси биз билан алоқага чиқди. Қайсидир паллада мен 12 та инглиз клуби биз билан алоқага чиққанини санадим.

- "Сити"нинг асосий рақобатчиси ким эди?

- "Ньюкасл". Улар бу пойгадан охирги бўлиб чиқишди. Бу жуда яхши жамоа, қизиқарли лойиҳа. Бу жамоани ёрқин келажак кутмоқда. Менимча, "Ньюкасл" яқин йилларда АПЛда Топ-6 ликка кириб олади. Аммо молиявий фейр-плей ва бошқа факторлар туфайли "Ньюкасл" аниқ таклифни юбора олмади. Барчаси чўзилиб кетди.

Бу вақтда "Сити" клуби "Ланс"га ҳам, бизга ҳам босим ўтказиб жавобимизни кутаётган эди. Якунда биз шу вариантни танладик, келишув амалга ошди", - деди Ҳусановнинг агенти.

Ҳусановнинг агенти: "Биз билан АПЛнинг 12 клуби алоқага чиқди"