Янги клубга ўтиши ва бўлажак мавсумдан нималар кутаётгани хусусида Нишонов билан суҳбатлашдик.

Янги клубга ўтиши хусусида

- Биз футзал бўйича жаҳон чемпионатига тайёргарлик кўраётган вақтимизда “Xuaxin-Жиззах” клубининг спорт директори Ойбек Абдураҳмонов менга алоқага чиққан эди. Улар берган таклиф ўйлаб кўриб, бунга рози бўлдим.

“Xuaxin-Жиззах” клуби борасида

- Ўтган йил қишда Ҳоким кубогида иширок этганман. Ўшанда вилоят ҳокими Эргаш Салиевни ҳам мусобақани келиб кузатаётгани кўриб, очиғи ҳайрон қолгандим. Чунки улар футзалга ҳам катта эътибор бераётганини кузатгандим. Ууман олганда, бу жамоага бўлган муносабат ва эътибор жуда юқори экан. Шу томонлари менга маъқул келди ва “Xuaxin-Жиззах”га ўтишга қарор қилдим.

Янги жамоасидаги мақсадлари борасида

- Жамоамиз билан янги мавсумда чемпионатнинг олтин медалларига эга чиқишни истайман.

Чемпионлик йўлидаги кураш ҳақида

- Кўпчилик назарида биз осонликча чемпион бўлишимиз мумкин экан. Таркибда билган футболчиларим бўлса-да мен юқоридаги фикрларга қўшилмаган бўлардим. Футзал бўйича ички чемпионатимиз аввалги йилларга солиштирганда, анча ўсган. Рақобатчи жамоалар сони ошган ва улар осонликча очко бой бермайди. Олтин медалларга эга чиқишни истасангиз, бу йўлда анча машаққатларни бошдан кечиришингизга тўғри келади.

Ҳусниддин Нишонов: “Янги жамоа билан чемпион бўлмоқчиман”