"Эртага муҳим ва оғир ўйинлардан бири бўлади. "Локомотив"нинг бугунги кунда кейинги босқичга чиқиш учун имкониятга эга. Шу боис рақиб ғалаба қозонишни истайди. Иложи борича ижобий натижага эришишга интиламиз", - дейди Амотта.

"Эртага қийин ўйин кутиб турибди. Рақибимиз жуда кучли жамоа. Кейинги босқичга чиқиш учун иккала жамоада имконият мавжуд", - дейди Ал Мисаики.

- Ўйинолди матбуот анжуманига келган футболчи ўйинда асосий таркибда ўйнаши керак. Бундан келиб чиқадики Абдулла Ал Мисаики эртага асосий таркибда тушадими. 1995 йилда туғилган футболчи бу мавсум ОЧЛда умуман ўйнамаган.

- У ёш футболчи эртанги баҳсда майдонга тушиш имкониятига эга. Бугунги расмий машғулотлардан сўнг якуний таркибни аниқлаб оламиз.

- Жамоа эртанги ўйиндан олдин қандай йўқотишларга эга?

- Талал Ал Блуши, Иброҳим Мажид ва Ёсир Яҳё каби футболчиларимизда жароҳатлар бор. Аммо уларнинг ўрнини боса оладиган футболчилар бор.

- Қатар чемпионати тугашига 2 тур қолди. Бош мураббий учун айни пайтда қай бири муҳимроқ: ОЧЛми ёки Қатар чемпионатими?

- Асосий эътибор ОЧЛга қаратилганди. Шу зайлда давом этиб гуруҳдан чиқмоқчимиз. Қатар чемпионати ҳам муҳим. "Ал Жайиш"га қарши муҳим ўйинни ўтказамиз. Ҳозирда "Лахвия"да чемпион бўлиш учун яхши имкониятга эга. Аммо биз охиригача курашамиз.

Қўшимча тарзда "Ал Садд" ОЧЛда икки марта чемпион бўлган. Жамоа раҳбарияти асосан халқаро ўйинларда юқори натижаларга эришишни мақсад қилиб қўяди.

- "Ал Садд" шу кунгача ОЧЛ доирасида уч марта Ўзбекистонда ўйнаган. "Нефтчи"га икки марта ютқазган ва "Пахтакор" билан дуранг ўйнаган. Эртага ҳам жамоа Ўзбекистонда ўйнайди...

- Статистика бу статистика. Бор эътиборимизни эртанги ўйинга қаратамиз. Жамоа Ўзбекистонга бир қатор йўқотишлар билан етиб келди. "Локомотив"нинг учта ўйинини кузатдим. Бизга қарши ўйинда фақат ҳисоб ёмон бўлди, аммо статистик кўрсаткичларда рақибимиз бизга ютқазишмаганди. Ҳар бир жамоа ғалаба учун майдонга тушади, биз ҳам бундан мустасно эмасмиз.

- Қатарда мавсум тугаб бормоқда. Футболчиларнинг жисмоний ҳолати қай даражада? Яна бир савол яқинда ўтган ФИФА кунлари жамоанинг тайёргарлигига қанчалик таъсир қилди?

- Тўғри савол берилди. Ҳозирги пайтга келиб чемпионат тугаб бормоқда, ўйинчилардан диққатли бўлишини талаб қилаяпмиз. ФИФА кунлари ҳақида айтадиган бўлсам, клуб терма жамоаларга 7-8 нафар футболчилар беради. Улар термага бориб ўйнаб қайтишгач маълум муддат жамоага қўшилиб кета олишмайди. Шу боис биз бир қатор ёшларга эътибор қаратаяпмиз, термага кетган футболчиларни ўрнини ёш футболчилар эгаллашади.

Нарзулла Сайдуллаев

Ҳуссайин Амотта: "Ал Садд" Ўзбекистонга бир қатор йўқотишлар билан келди"