Унинг биринчи қисмида "Фулад" бош мураббийи Ҳуссайин Фараки ва жамоа сардори Бахтиёр Раҳмони қатнашди.

"Ал Жаиш" ва "Ал Фатҳ" жамоаларига қарши яхши ўйин кўрсатган ҳолда 4 очко жамғаришга муваффақ бўлдик. Бу биз учун яхши кўрсаткич. Навбатдаги рақибимиз "Бунёдкор". Тошкентликларга қарши тайёргарлигимиздан қониқиш ҳосил қилдим. Жамоани тубдан ўргандим. Қолаверса "Бунёдкор" Ўзбекистон миллий терма жамоасига ўхшаш услубда ҳаракат қилади. Биз МТЖ ўйинларини ҳам кузатдик. Эртага яхши ўйин бўлиши аниқ", - деб гап бошлади "Фулад" бош мураббийи.

Жамоа сардорининг фикри қисқача кўриниш олди:
- Тошкентга икки кун аввал ташриф буюрдик. Бу тайёргарлик йўлида муҳим аҳамият касб этади. Эртага мураббийимиз такидлаганидек ғалаба учун майдонга чиқамиз.

- Ўзингизни кучли томонларингиздан келиб чиқиб, "Бунёдкор"нинг ожиз томонлари нимада деб ўйлайсиз?
- "Бунёдкор"да яхши ўйинчилар ҳаракат қилади. Рақибнинг ожиз томонларини кўрсатиш тўғри бўлмаса керак. Жамоада ёш ва тажрибали футболчилар йиғилган. Менимча Қосимов кўпроқ тажрибали футболчиларга таянади.

- Эртага ғалаба қозонишингизга ишонган ҳолда гапиряпсиз?
- Бу футбол. Дуранг ҳам биз учун яхши. Аммо ҳар қандай жамоа ўз олдига ғалабани мақсад қилиши керак.

- Бу ойдаги асосий вазифа нимадан иборат, ОЧЛ гуруҳидан чиқишми ёки мамлакат чемпионатида чемпионликни қўлга киритиш?
- Асосий вазифа мамлкат чемпионлигини қўлга киритиш. Бугунга келиб биринчи ўринда турибмиз ва қолган учта ўйинни ютсак чемпион бўламиз. Ундан кейинги вазифа ОЧЛ.

Ҳуссайин Фараки: "Бунёдкор"ни тубдан ўргандим"