Унда жамоамизнинг ёрдамчи мураббийлари Шуҳрат Тошпўлатов ва Илнур Сибагатулин, шунингдек, “Насаф” футбол мактабининг кўплаб мураббийлари қатнашишди. Тадбир якунида ОФК инструктори Ислом Аҳмедов семинар ҳақида ўз фикр мулоҳазалари билан ўртоқлашди.

- Аввало семинарни ўтказиш учун барча шарт-шароитларни яратиб берган “Насаф” футбол клуби раҳбариятига ўз миннатдорчилигимни билдираман. Мен бу каби ташкилотчиликни ОФК ва ФИФА даражасида кўрганман. Семинарда қатнашган инструктор ва мураббийлар учун барча имкониятлар яратиб берилди. Дунё футболида руй бераётган ўзгаришларни мана шу 4 кунлик семинар давомида назарий ва амалий жиҳатдан тушунтириб, кўрсатиб беришга ҳаракат қилдик. Ўйлайманки, семинар иштирокчилари келгусида футболдаги янги ўзгаришларни ўз иш жараёнларида муваффақиятли амалга ошира олишади.

-Қашқадарёлик мураббийларнинг семинардаги иштироки ҳақида нима дея оласиз?

-Уларнинг ўз мураббийлик йўли ва тажрибаси бор ва семинар давомида билиниб турди. Бизнинг машғулотларда ҳам улар ҳар томонлама ажралиб туришди. Ўзларини қизиқтирган саволларига жавоб олишди. Умид қиламанки, бу ерда олинган билимлар уларга амалий иш жараёнида асқотади.

И.Аҳмедов: “Қаршида ОФК ва ФИФА даражасида шароит яратиб берилди”