"Интер"да бир қоида бор эди: агар кетма-кет икки ўйинда ютқазсак, маошлар кечиктириларди. Бироқ Балотелли бу қоидани бузган!
Биз уч кун ичида Кубок финали ва чемпионатда ютқаздик. Марио машғулотларга келмади, Моуринью эса уни тополмади. 30 дақиқадан сўнг президент ғазаб билан кириб келди, ёнида Балотелли бор эди.
У биздан: "Марио итальянча ўқишни биладими?", деб сўради. Биз: "Ҳа", деб жавоб бердик. Ва у қўшимча қилди: "Бу кулгили, чунки у менинг офисимга маошини сўраб келди".
Биз қоидани тушунтирдик, лекин Марио: "100 марта ютқазсак ҳам, пулимни ҳозир олишни хоҳлайман", деб жавоб берганди.
Кейин президент: "Бундан буён сизлар маошингизни ҳар доим ўз вақтида оласиз, лекин мен ҳеч ким ўзини Марио каби тутишини истамайман", деди.
Ўшанда биринчи марта бизга икки мағлубиятдан кейин маош тўлашганди... ва биз унга кўпроқ тўп узата бошладик, шунда у гол уриши мумкин бўларди, чунки у президентдан яхшироқ эди", – деди Ибра.

Ибрагимович: "Интер"да бир қоида бор эди: агар кетма-кет икки ўйинда ютқазсак, маошлар кечиктириларди"