Бўлажак учрашув олдидан, «бургутлар» сардори Иброҳим Отахоновдан қисқача интервью олдик.

- Бўлажак учрашувга тайёргарлик юқори даражада бўлди. Фақат ғалаба билан қайтишни ўйламоқдамиз. Шу боис йигитларнинг иштиёқи юқори. Қўқонга уч очко олиш мақсадида келганмиз. Сабаби чемпионатдаги иккита мағлубиятдан кейин «Андижон»га ғалаба ниҳоятда зарур. Муваффақиятли ўтказиб олсак, кейин ҳаммаси яхши бўлади деган умиддаман.

- Қўқонликлар ҳам ўз уйида ғалаба учун ўйнашлари турган гап. Рақиб яхши шаклланган жамоа. Уларни хурмат қиламиз. Дербида барибир бошқача шиддат ва жозиба бўлади. Бу каби ўйинларда жамоаларнинг эгаллаб турган ўрни ҳам у қадар аҳамиятли эмасдек.

- Футболчиларнинг тайёргарлиги аъло даражада. Руҳий холати ҳам қониқарли дейиш мумкин. Кубок доирасидан ўрин олган учрашувларда муваффақиятли ўйнаб келинди. Бу ҳам қайсидир маънода биз футболчиларга ижобий таъсир қилади. Умид қиламанки, Қўқондан ҳам яхши кайфиятда қайтамиз.

Иброҳим Отахонов: «Дербида бизни фақат ғалаба қониқтиради»