Собиқ “Реал Мадрид” ҳужумчиси агарда Лионель Месси МЛС футболчисига айланса, бу бутун чемпионатнинг ўзгаришига олиб келиши ҳақида фикр билдирди. У ПСЖ юлдузи Қўшма Штатларда ўзини эркин ҳис қилишини айтиб ўтди. Месси Аргентина терма жамоаси билан Майамида машғулот ўтказди. Ҳозирда “Интер Майами”да ўйнаётган Игуаин бу ҳақда:

“У аллақачон бу ерда (Майамида) шуғулланди, ушбу жойни ўрганиб олди. Лео худди Марадонага ўхшайди, бир жойда кўп яшай олмайди. У ўзи учун мустақил қарор беради, бироқ бу ерга келса, ҳеч шубҳасиз, ғайриоддий инқилобга сабаб бўлади”, деди.

35 ёшли Мессининг Париж клуби билан шартномаси ёзда ниҳояcига етади. Хабарларга кўра, 7 карра “Олтин тўп” соҳиби келажаги борасида ЖЧдан кейин қарор беради. Агар чиндан ҳам Месси АҚШга йўл оладиган бўлса, бу Девид Бекҳемдан кейинги энг йирик МЛС битими бўлади. Ёзда Гарет Бейл ва Жоржо Кьеллинилар ҳам МЛСга қўшилган эди.

Игуаин: "Месси МЛСда инқилоб қилиши мумкин"