Бу дам олиш кунлари тўртта ўйин намойиш этилади - ҳар бир чемпионатдан иккита баҳс.

"ВКонтактеда борган сари кўпроқ спорт трансляциялари амалга ошмоқда - трансляция эгалари учун бу мамлакатдаги энг катта аудитория, томошабинлар учун эса севимли турнир ва жамоаларни кузатиш учун ажойиб имконият. Ҳамкорларимиз билан бирга ривожланишнинг турли моделларини, спорт контентидан пул топишни тест қиляпмиз. Ҳомийлар жалб қилишга ҳам ёрдам беряпмиз" - дейди "ВКонтакте"нинг маркетинг бўйича директори Александр Круглов.

"Футбол" телеканали бош директори Вячеслав Грицфельдт ҳам ушбу воқеага изоҳ берди.

"Телеканалимиз учун мухлисларнинг қизиқишини билиб олиш учун ажойиб имконият пайдо бўлди. Интерактив имкониятлар аудиториямизнинг истак ва мурожаатларига тезлик билан жавоб қайтаришга ёрдам беради. Телеканалимиз учун доимо янги майдонлар излаймиз ва "ВКонтакте" бу мақсадлар учун жуда мос тушади" - дейди Грицфельдт.

Ўйинлар жадвали:

23 сентябрь. Англия. Чемпионшип

«Дерби Каунти» — «Бирмингем Сити». 19:00.

«Астон Вилла» — «Ноттингем Форрест». 21:30.

24 сентябрь. Голландия. Эредивизи

«Утрехт» — ПСВ. 15:30.

«Аякс» — «Витесс». 17:30.

Эслатиб ўтамиз, "ВКонтакте" жорий мавсумдан бошлаб ЛаЛига ўйинларини трансляция қилишни бошлади.

Ижтимоий тармоқ Чемпионшип ва Голландия чемпионатини кўрсатиш ҳуқуқини сотиб олди