Италия А-Сериясининг биринчи рақамли ҳужумчиси бўлсанг ҳам, шу тамоил асосида жаҳон чемпионатига бора олмайсан, сени у ерда қабул қилишмайди.

Аргентиналик Икарди "Барселона" ёшлар лигасида тўп тепарди, Месси бу пайтда аллақачон жавлон уриб келаётган пайти бўлган. Яна бир аргентиналикни омади юришмай Каталониядан кетган эди, бу Макси Лопес эди. Макси Лопес "Сампдория" сафига бориб қўшилганида тақдир Икардини ҳам шу клуб сари етаклади. Бу пайтда Макси аргентиналик модел, шу билан бирга бир неча фахш фильмларининг бош ролида экран юзини кўрган Ванда Нара билан турмуш қурган бўлади.

Макси Лопес Сампдорияга кўчиб ўтганидан кейин ўзидан 9 ёш кичик Икардига укалардек муомала қилди ва уни бир неча бор ўз уйига меҳмонга таклиф қилади. Жанубий Америкаликларда бир бирини қўллаб-қувватлаш одат тусига айланган. Ўзи майдонга тушмасада, ватандошига ёрдам қўлини чўзиш одати бор уларда. Аммо 20 ёшли Икарди Лопеснинг уйида унинг аёлини ўзига оғдириб олади. Нара учун бу оддий ҳол эди. Макси Лопес ўз укасидек ёрдам қўлини чўзган Икардини хотинини тортиб олганидан афсусланмади. Интервьюларидан бирида, бошидаёқ онаси бу никоҳга қарши чиққанини айтиб ўтди. Уни йиғлатган нарса бошқа эди, 3 нафар ўғил фарзанди бугунда Максини эмас, отасини ундан тортиб олган Икардини "дада" деб ўсаётганида. "Интер"ни ўйинларида, пушти камаридан бўлган фарзандлар Икарди ёзуви туширилган 9-рақамда трибунада ўтириши унга ҳаммасидан кўпроқ таъсирлироқ бўлаяпти.

Икарди 12 ёшидан унга агентлик қилиб, босқичма босқич "Интер"гача бўлган қийин йўлни босиб ўтишда ўзининг меҳнатини аямаган агентини 2015 йил, Макси Лопесдан тортиб олган Ванда Нарага алмаштиради.

Бу воқеалардан хабар топган "Интер" мухлислари, Роналдо машҳур қилган 9-рақамга Икардини мос эмаслигини айтиб, роса жанжал қилишган. Ғарб матбуотига ишонадиган бўлсак, Икарди аргентиналик мафияларни ёллаб тиффозилар билан орани очиқ қилишни ҳам истаган, аксинча Италия мафияси ўч олиб бериш таклифи билан Макси Лопесга чиқишганда у буни рад этган.

Бу Аргентинада ҳам катта шов-шувга сабаб бўлди. Биринчилардан бўлиб Марадона бундай инсон учун Аргентина терма жамоасида жой йўқлигини айтди. Месси ҳам бундай футболчи билан бир жамоада тўп тепа олмаслигини таъкидлаган. Бунга Маскерано ҳам қўшилган. Кўпчилик бу воқеада Мессини айбдор деб билди, лекин Месси ютмаган ягона соврин бу ЖЧ. Мессини Марадонадан устун қилиши мумки бўлган кубок ҳам ЖЧ соврини аслида. Ўз пайтида Роналдиньо Мессига қанчалик ёрдам қўлини чўзган бўлса, 9 ёш катта Макси Лопес ҳудди шундай қўлни Икардига чўзган эди.

Икарди нима учун Аргентина терма жамоасида йўқ?